Хуйларч буй луу [Ном 1, Хэсэг 5]

Шинэ хэсгийг орчуулан гаргав. Оройтож гаргасанд уншигчдаасаа хүлцэл өчье.
Өнөөдөр хичээл, ажил, сургалт гээд орчуулах боломж олдсонгүй ээ.

Удахгүй кофе шопд суун амтат шэйк уун орчуулга хийхийг хүсч байна. Санал болгох гоё шэйктэй газар байвал сэтгэгдэл үлдээгээрэй.

Левиафан.

Сурталчилгаа
2 comments

Өмнөх хэсэг

Дараагийн


Ном 1 – Бөгж

Хуйларч буй луу 5 – Өсөлт (хоёрдугаар хэсэг)

Цаг хугацаа хурдан өнгөрч, нүд ирмэхийн зуур өвөөгийн цаг арван нэгийг заалаа. Энэ өглөөний арван нэгэн цаг болсныг илэрхийлнэ.

“Хогг гэртээ байна уу?” Хүн чангаар асуулаа. Баруч эдлэн хамгаалагчгүй учраас тэрээр эдлэнгийн голд аль хэдийн ирсэн байлаа.

Хоггийн царай хувиран урд байгаа зузаан номоо хураан “Линлэй өнөөдөртөө ингээд дуусгая.” гээд Хөнгөхөн инээмсэглээд Хогг зочдын танхимруу алхлаа.

“Хогг, хуучны анд минь. Би өглөө хэрээ гуаглах дууг сонслоо. Удахгүй сайхан зүйл тохиолдох нь дээ гэж бодож байсан юм. Гэтэл үдэд  зарлалыг чинь уншаад би үнэхээр баярласан шүү.” зочинг ийн хэлтэл.

“Хүндэт Филип, өөртэй чинь уулзсандаа баяртай байна. Хиллман даруй надад “Хүчит арслан” чулуун хөшөөг аваад ир. Филип алив их танхимд орж хүлээе. Удахгүй чулуун хөшөө ирчихнэ.” Хогг ийн хэлээд түүнийг дагууллаа.

Энэ үгийг сонсоод Линлэйн зүрх эмтрэх шиг боллоо.

“Бид гэр бүлийнхээ өмчийг дахиад л зарж байгаа юмуу?” Линлэй “Хүчит арслан” хөшөөнд аав нь их дуртай  гэдгийг мэднэ. Гэхдээ Вушан тосгоноос Баруч овог маш бага татвар авдаг учраас тэд үнэхээр санхүүгийн хэцүү байдалд орсон байгаа.

Аз болж Баруч овог үнэхээр эртний овог. Урт хугацааны аясад тэд олон үнэтэй нандин зүйлсийг цуглуулсан.

Харамсалтай нь маш олон эд зүйлс байсан хэдий ч олон удаагийн дуудлага худалдаа болон арилжаанаас болж эд зүйлс нь дуусч байгаа. Энэ үед ховор нандин эд зүйлс нь бараг дуусах шахсан байв. Линлэй өвөөгийнхөө цагруу хараад “Энэ цаг зарагдахаасаа өмнө энд хэр удах бол?” хэмээн бодно.

Алтлаг үстэй язгууртан байрын дунд эргэм насны залуу их танхимд Хоггийн хажууд сууна. Линлэй энэ дунд эргэм насны залууг Филип гэдгийг гадарлаж байв.

“Өө, энэ эгдүүтэй хүүхэд чиний хүү юу? Тийм үү Хогг?” Филип маш дулаахнаар Линлэйруу харснаа. “Линлэй Баруч тийм ээ? Чамайг Линлэй гэж дуудаж болох уу?” гэвэл.

“Нэр төрийн хэрэг, эрхэм ээ.” Линлэй баруун гараа цээжин тус хэсэгтээ тавин хүндэтгэлтэй бөхийнө.

“Ямар хөөрхөн хүү вэ?” хэмээн өөрийг нь магтвал, Линлэй машид сэтгэл хангалуун байв.

Хажууд нь сууж байсан Хогг инээгээд. “Филип хүүхдүүдтэй цагаа битгий гарзад. Хараач чиний удаан хүсч байсан “Хүчит арслан” ирчихлээ.” Хэлж дуусмагц Хиллман маш хөнгөхнөөр томоохон хөшөөг танхимд оруулж тавьлаа.

Мянгаад паундийн чулуун хөшөө Хиллманы гарт яг л зүггүй хүүхэд тоглоомоороо тоглож байгаа мэт харагдана. Энэ Хиллманыг ямар их хүчтэйг харуулж байлаа.

“Ноён Хиллман, таны хүч чадал намайг алмайруулж байна. Би арван хоёр тосгон эзэмшдэг ч гэсэн эдлэнд минь өөр шиг тань хүчтэй хамгаалалтын ахмад байхгүй.” Филип ярьж байхдаа инээмсэглэл тодруулж байв. Гэхдээ түүний хэлж буй зүйл цаанаа тэрээр Хиллманыг өөрийн дор ажлахыг урьж байгаа нь энэ юм.

Хиллман хөндий өнгөөр. “Вушан тосгон бол миний гэр эрхэм ээ.” хэмээхэд.

“Намайг өршөөгөөрэй.” Филип хурдхан уучлалт эрэв.

Филип Хоггруу хараад, “Хогг, хэдийгээр би энэ “Хүчит арслан” чулуун сийлбэрийг их сонирхож байгаа ч гэсэн энэ сийлбэр тийм ч өндөр зэрэглэлийнх биш. Бусад агуу мастеруудын сайн бүтээлүүдтэй харьцуулах юм бол шүү дээ.” гэвэл.

“Филип чи худалдаж авмааргүй байвал больж болно шүү.” Хогг маш шулуухан хэллээ.

Филипийн нүд томсхийн ирж, хөхрөн инээснээ. “Хаха.. Хогг битгий уурлал даа. Би худалдаж авахыг хүсээгүй гэж хэлээгүй шүү дээ. Би үнэнийг л хэллээ. Ингэвэл яаж байна? Би энэ хөшөөг таван зуун алтан зоосоор авья. Юу гэж бодож байна?”

“Таван зуу?” Хогг бодлогошров.

Энэ үнэ Хоггийн хүлээж байснаас хамаагүй доогуур байлаа. Тэрээр дор хаяж найман зуу хүрнэ гэж найдаж байв.

Юлан тивд нэг алтан зоос арван мөнгөн зоостой тэнцүү бөгөөд мянган хүрэл зоостой тэнцдэг. Нэг жирийн айл хориос гучин алтан зоосын орлоготой. Дундаж армийн цэргүүд хүртэл зуугаад алтан зоос олдог.

“Энэ үнэ хэтэрхий бага байна.” Хогг толгойгоо сэгсэрлээ.

“Хогг чи мэднэ шүү дээ. Юлан тивд арван мянга гаран жилд тоо томшгүй олон хөшөөг сийлснийг. Сийлбэрийн гол үнэ цэнэ сийлбэрчиндээ байдаг. Харин энэ сийлбэрийн үнэ цэнэ… юу гэж хэлмээр ч юм дээ. Надад энэ зүгээр л таалагддаг. Таван зуу бол миний өгч чадах хамгийн өндөр үнэ. Зөвшөөрөхгүй бол зүгээр март даа.”

Филип инээснээ танхимд байсан өвөөгийн цагийг харлаа. Түүний нүд гялтганан. “Хогг, харин энэ цагийг зарвал би чамд мянган зоос өгч чадна шүү.” гэв.

Хоггийн царай хувирлаа.

“Ахем., Хоёр мянган зоол бол бас болноо. Энэ миний хэлж чадах хамгийн өндөр үнэ.” Филип хурдхан хэллээ.

Хогг толгойгоо итгэлтэй сэгсрээд. “Өвөөгийн цагийг зарахгүй ээ. Харин сийлбэрийн хувьд зургаан зуун алтан зоос, авбал ав эсвэл үүнийг март даа.”

Хоггийг Филип удаан ажсанаа “За яахав, Хогг би чамд нэг нүүр өгье. Зургаан зуун алтан зоос болж байна. Алив гэрийн үйлчлэгч надад зургаан зуун алтан зоос өгөөдөх.” Түүний эдлэнгийн хариуцагч гадаа энэ бүх хугацаанд хүлээж байсан. Тэрээр хурдхан гүйн орж ирээд алт өглөө.

Зургаан уут шаргал алт.

“Зургаан зуун алт, Хогг чи хүсвэл тоолж болно шүү.” гээд Филип инээмсэглэв.

Хогг гараараа уутнуудыг өргөж үзэв. Жингээр үзвэл үнэхээр зургаан зуун алтан зоос дотор нь байв. Нэг уутанд зуун зоос. Хогг инээмсэглэж толгой дохисноо. “Филип үлдэж оройн зоог барьвал яасан юм?” гэвэл.

“Зүгээр дээ. Гэрт хийх ажил байгаа.” гээд Филип инээлээ.

Филипийн гэрийн үйлчлэгч хоёр булчинлаг дайчинд сийлбэрийг маш болгоомжтой авч явахыг тушаалаа. Тэд сийлбэрийг маш хэцүүхнээр өргөж харагдана.

Филип явсаны дараа Хогг зургаан уут алтыг хараад гунигт автав. Одоо тэр чулуун сийлбэрээ зарлаа. Дараа юуг зарах бол? Эдлэнд олон зүйл үлдсэн ч хэзээ нэгэн цагт тэд юу ч үгүй үлдэх нь.

“Ааваа, би сийлэхийг сурмаар байна!” Линлэй гэнэтхэн хэллээ.

Линлэй Юлан тивд алдартай мастер сийлбэрчид арван мянган алтан зоосны үнэтэй сийлбэрүүдийг хийж болохыг мэддэг байлаа. Зарим сийлбэрүүд бүр зуун мянган алтан зоос хүрдэг. Эд хөрөнгөнөөс гадна сийлбэрчид өндөр хэргэм зэрэгтэй байдаг.

“Би мастер сийлбэрчин болбол.. Тэр үед.. тэр үед аав минь гэр бүлийнхээ өмчийг дахиж зарахгүй.” Линлэй ийн бодно.

“Сийлэх ээ?” Хогг Линлэйруу хүйтнээр харав.

“Линлэй Ариун нэгдлийн зуун мянган хүмүүсээс дор хаяж хэдэн сая хүн сийлэхийг сурсан. Гэхдээ бүхэл Ариун нэгдлээс жинхэнэ урчууд ганц гарын хуруунд багтана. Нэмж хэлэхэд хэрэв чи сайн багшгүй бол өөрөө сурчихгүй.”

“Сийлбэрчдийн тойрог бол хэн дуртай нь ордог зүйл биш. Чи мастеруудын тэнгэр хадам өндөр үнэ харна. Гэхдээ дийлэнх урчууд жилд хэдхэн алтан зоос олдогийг мэдэх үү?”

Хогг маш ширүүхэн хэллээ.

Линлэй ч ихэд айв. Тэрээр даруй өвдөг сөхөрлөө. Саяны бодсон зүйлээрээ гэр бүлийнхээ санхүүгийн асуудлыг шийдвэрлэж чадах болов уу л гэж тэрээр бодсон. Аавыгаа ингэж ширүүн хүлээж авна гэж тэрээр бодоогүй.

“Хангалттай. Өвөг дээдсийн танхимыг цэвэрлэх хэрэгтэй байна. Өдрийн хоолны дараа чи очиж цэвэрлээрэй..” Хогг хөндий өнгөөр хэллээ.

“Мэдлээ ааваа.” Линлэй хүндэтгэлтэй хариулав.

Хогг Линлэйруу хараад дотроо. “Сийлбэр ээ, хүү минь дээ намайг өнгөрсөнд сийлбэрээр хичээллэдэг байсныг мэдэх үү? Би амьдралынхаа арван жилийг суралцаж өнгөрөөсөн. Гэхдээ миний сийлбэрүүд нэг ч зоос хүрээгүй шүү дээ.” Хогг ч тэр мөн гэр бүлийнхээ нөхцөл байдлыг мастер сийлбэрчин болж сайжруулна гэж багадаа мөрөөддөг байлаа.

Гэхдээ тэрээр дотроо үнэхээр гутарч байлаа. Арван жил суралцсаны эцэст түүний сийлсэн сийлбэр ямар ч үнэд хүрээгүй. Сийлбэрчдийн салбарыг яг л пирамидээр зүйрлүүлж болно.

Пирамидын оройд байх алдартай сийлбэрчид өндөр хэргэм зэрэг, сийлбэр болгоноосоо хэдэн зуун мянган алтан зоос олно.

Харин Пирамидын дор байх олон сийлбэрчдийн сийлбэр ямар ч үнэ хүрдэггүй. Тэдний сийлбэрүүд хэдхэн мөнгөн зоосоор жирийн хүмүүст гэрээ чимэглэх зориулалтаар зарагддаг.


Өмнөх хэсэг

Дараагийн

2 comments on “Хуйларч буй луу [Ном 1, Хэсэг 5]”

Хариу үлдээх

Fill in your details below or click an icon to log in:

WordPress.com Logo

Та WordPress.com гэсэн бүртгэлээрээ сэтгэгдэл бичиж байна. Гарах /  Өөрчлөх )

Google+ photo

Та Google+ гэсэн бүртгэлээрээ сэтгэгдэл бичиж байна. Гарах /  Өөрчлөх )

Twitter picture

Та Twitter гэсэн бүртгэлээрээ сэтгэгдэл бичиж байна. Гарах /  Өөрчлөх )

Facebook photo

Та Facebook гэсэн бүртгэлээрээ сэтгэгдэл бичиж байна. Гарах /  Өөрчлөх )

Connecting to %s

Энэ сайт нь спамыг багасгахын тулд Akismet ашигладаг. Өөрийн сэтгэгдлийн мэдээллийг хэрхэн ашигладаг талаар мэдэх.