Хуйларч буй луу [Ном 1, Хэсэг 4]

Хаврын урь орж Вушан тосгоны ойролцоох сул талбайн том модод ногоорлоо. Хоосон талбай дээр бүлэг залуус шаргуу сургууллана. Луугийн цусны шинжилгээ өнгөрснөөс хойш бараг жил өнгөрчээ. Линлей одоо найман настай. Өнгөрсөн хугацаанд Хиллман Линлейг улам илүү шаргуу болохыг тодорхой харжээ!

Сурталчилгаа
Нэг ч сэтгэгдэл байхгүй

Өмнөх хэсэг

Дараагийн


Ном 1 – Бөгж

Хэсэг 4 – Өсөлт (нэгдүгээр хэсэг)

Хаврын урь орж Вушан тосгоны ойролцоох сул талбайн том модод ногоорлоо. Хоосон талбай дээр бүлэг залуус шаргуу сургуулилана. Луугийн цусны шинжилгээ өнгөрснөөс хойш бараг жил өнгөрчээ. Линлэй одоо найман настай. Өнгөрсөн хугацаанд Хиллман Линлэйг улам л шаргуу болоод байгаа харсан!

“Маш сайн Линлэй! Тэсээрэй, тэсээрэй!” Хиллман хажуугаас зоригжууллаа.

Яг одоо Линлэй зөвхөн өмд өмссөн, цээж хэсэг бүхэлдээ хөлсөнд норсон байлаа. Тэрээр эрчилсэн нум мэт чанга газар хэвтэнэ. Банзан мод мэт шулуухнаар хоёр гараараа газар тулсан, харин үлдсэн бие нь хөдөлгөөнгүй байлаа. Тэрээр суниалтын байрлалаар зогссон ба зөвхөн гар болон хөлний хурууныхаа үзүүр дээр тогтож байлаа. Тэрээр маш чанга хөшүүн байлаа.

“Тэнцвэрийн тэвчээр” сургуулилалтийн дасгал!

Маш энгийн бөгөөд маш үр дүнтэй дасгал байлаа. Энэ байрлалыг бүхэл нэг цаг барьж чаддаг болбол тэр хүний бие жирийн илд болон чинжаалаас айх хэрэггүй болно.

Цүл, Цүл!

Линлэйн духнаас хөлс урсана. Хөлс Линлэйн зүүн нүдэнд орвол тэрээр өвдсөндөө нүдээ анихаас өөр юм хийж чадахгүй байв.

“Лэй үнэхээр гайхалтай юмаа. Наймхан настай ч гэсэн арван гурван настнуудаас дутахааргүй Тэнцвэрийн тэвчээр дасгалыг хийх юм. Зарим хүүхдүүд бүр аль хэдийн бууж өгөөд мушгиралдаад хэвтсэн байхад шүү.” хүүхдүүд Линлэйг харангаа хоорондоо ярьцацгаана.

“Лэй үргэлжлүүлээд байгаарай. Бидний төлөө тэсээрэй. Арван гуравтнуудад үзүүлээд өг!” Алтлаг үстэй Хадлей хажуугаанаас нь ориллоо.

“Тиймээ, тэсээрэй, Лэй!” бусад хүүхдүүд ч гэсэн хашгиралдав.

Линлэй бусад хүүхдүүдэд маш найрсаг ханддаг. Язгууртан айлын хүүхэд ч гэлээ бусад эгэл ардын хүүхдүүдтэй маш эелдэг харьцдагаас гадна үргэлж тэдний сургуулилтанд тусалдаг.

“Тэсэх хэрэгтэй. Тэсэх хэрэгтэй!” Линлэй өөртөө байн байн хэлж байв.

Линлэйн толгойд аавынх нь өмнө жил хэлсэн үг үргэлж бодогддог байв. “Линлэй бид луугийн цуст дайчдын овог. Луугийн цуст дайчдын овгийнх байснаараа давуу тал байхад бас сул тал ч бий. Давуу тал бол хэдийгээр чиний луугийн цус хангалттай түвшинд хүрээгүй ч гэсэн чиний бие бусад жирийн хүмүүсээс хамаагүй хүчтэй. Бусад хүмүүст 6-р зэрэглэлийн дайчин болох хэцүү ч чамд бол энэ энгийн зүйл.”

“Гэсэн хэдий ч гэсэн сул тал нь бол Луугийн цуст дайчин овгийн дайчид бусад жирийн тулааны Ки-гээр сургуулилж болдоггүй. Учир нь манай Луугийн цус нь зөвхөн “Нууц Луугийн цусны гарын авлага”-аар сургуулиллах боломжтой. Энэ нь бусад бүх төрлийн тулааны Ки хөгжүүлэх аргуудтай зөрчилддөг. Харамсалтай нь тулааны Ки-г зөвхөн Луугийн цус нь тодорхой хэмжээнд хүрсэн хүмүүс “Нууц Луугийн цусын гарын авлага” ашиглан хөгжүүлж болдог. Тэгэхээр чи ердөөсөө тулааны Ки-гээ хөгжүүлж болохгүй гэсэн үг.”

“Түүнчлэн онол ёсоор манай овгийн бүх хүн биеэ 6-р зэрэглэлийн дайчин болтлоо хөгжүүлж болдог. Амьдрал дээр 6-р зэрэглэлийн дайчин болсон хүн маш цөөхөн ч гэсэн бид бусдаас өөр. Хэдийгээр бидний луугийн цус багахан хэмжээтэй байсан ч гэсэн бид бусдаас өндөр амжилт гаргаж болдог. Зөвхөн сургуулилаад танай өвөө 7-р зэрэглэлийн дайчин болж чадсан.”

Линлэй аавынхаа хэлсэн үгсийг маш сайн тогтоож авлаа.

Линлэй өөртөө гутран.  “Хэдийгээр би одоо бусдаас илүү хүчтэй ч гэсэн энэ бол гагцхүү би луугийн цустай болохоор л тэр. Би тулааны Ки-гээр сургуулиллаж чадахгүй юм чинь миний ганц сонголт бол илүү шаргуу ажиллах явдал! Миний өвөө 7-р зэрэглэлийн дайчин болж чадсан. Тийм учраас би 8-р зэрэглэлийн дайчин болох ёстой! Эсвэл бүр 9-р зэрэглэлийн дайчин болох учиртай. Боломжгүй зүйл гэж үгүй!”

8-р зэрэглэлийн дайчин!

9-р зэрэглэлийн дайчин бол Фэнлай улсын хамгийн шилдэг мэргэжилтэнд тооцогддог. Харин 8-р зэрэглэлийн дайчин Баруч гэр бүлийн өмнөх нэр алдарыг буцааж авчирч чадахгүй ч гэсэн одоогийн нөхцөл байдлыг илүү дээр болгоно.

“Тэсэх хэрэгтэй!” Линлэй шүдээ зууна.

Энэ үед түүний биеийн булчингуудыг яг л тоо томшгүй олон шоргоолжнууд зажилж байгаа мэт өвдөж байлаа. Түүний бүх бие чинэрч, бүхийл бие нь чичирхийлж, бүхийл булчингууд нь салганаж байгааг харж болохоор байлаа.

Удаан хугацааны дараа, эцэст нь…

Пад!

Линлэй ядран уналаа.

“Энэ үнэхээр гайхалтай мэдрэгдэж байн.” Хавтгай газар дээр түүний хамаг бие амрах шиг л боллоо. Түүний бие хэр их бадайрч байгааг Линлэй одоо л нэг юм мэдэрч байв. Энэ сургуулилтуудын дараагаар түүний бие удаанаар өсч хүчирхэгжиж байлаа. Нэг хоёрхон дасгалын дараа түүний биеийн өсөлт харагдахгүй ч гэсэн урт хугацааны дараа үр дүнгээ өгч байв.

Хажууд байх Хиллман сэтгэл ханамжтайгаар толгой дохилоо.

Дараа нь Хиллманы царай хүйтэн хөндий болж авран дөрвөөс арван тавтнууд уруу хараад “Та нар тэссэн нь дээр шүү! Линлэй дөнгөж наймхан настай. Та нар бараг насанд хүрлээ. Найман настай хүүхдээс дор байхгүй юм байгаа биз дээ!”

…………….

Өглөөний дасгал дууссаны дараа Линлэй найзуудаасаа салаад Баруч овгийн эдлэнрүү алхлаа. Хэрэв танихгүй хүн түүнийг харвал Линлэйг арван нэгтэй эсвэл арван хоёртой гэж эндүүрэхээр байв.

Баруч овгийн хүүхдүүд үнэхээр бусад залуусаас өөр байв.

“Том ахаа!” Линлэйг харсан цовоо Вартон хамаг хурдаараа гүйн ирлээ.

“Хэрэггүй ээ Вартон. Миний бүх бие хөлс болчихсон байна. Эхлээд биеэ угаагаадхая.“ гээд Линлэй инээмсэглэлээ.

Вартон бухимдангуй хамраараа амьсгаа гаргаад, “Таныг биеэ угаамагч аавтай хичээл хийхийг мэдэж байна” гэв.

Язгууртан айлын хүүхэд учир Линлэйн хичээл маш багаас нь эхэлсэн. Энэ таван мянган жилийн настай Баруч овог боловсролд үнэхээр анхаарал тавьдаг хатуу чанга дэглэмтэй гэр бүл байлаа. Тэр бүү хэл дийлэнхи хааны гэр бүлийн боловсролын системээс чанга байсан юм.

“Вартон болно оо. Би чамтай үд дундын үед тоглоё.” гээд Линлэй инээлээ.

Вартон зүгээр л жоохон хүүхэд шүү дээ. Харин Линлэй том хүн шиг ухаан суужээ.

Биеэ угаагаад шинэхэн хувцас сольж өмсчихөөд Линлэй сургалтын өрөөндөө орлоо. Энэ үед Хогг Баруч ширээний ард сууж байлаа.

“Ааваа.” Линлэй хүндэтгэлтэй бөхийлөө.

Хогг толгой дохив. Иймээс Линлэй хурдхан түүний хажууд очлоо.

“Өчигдөр би чамд Юлан тивийн улсуудын түүхийг ярьж өгсөн. Надад яриад өгдөө.” Хогг хөндий өнгөөр хэллээ.

Энэ Хоггийн бодит төрх юм.

Линлэйг тэвэрч уйлж байсан тэр үе бол маш ховор тохиолдоно. Ерөнхийдөө Хоггийн Линлэйд гаргах зан авирыг ганц үгээр тодорхойлж болно “Хүмүүжил хатуужилтай”. Хогг бүх юмыг төгс байлгахыг хүсдэг. Тэрээр Линлэйг аливаа алдааг бүү гаргаасай гэж хүсдэг байлаа.

“Мэдлээ ааваа” Линлэй тайвнаас хэллээ.

“Юлан тивд гурван аюултай газар байдаг. Эхэнд Шидэт араатны уулс, хоёрдугаарт Наран жаргахын уулс, гуравдугаарт Харанхуйн ой багтана. Энэ газрууд маш уудам нутаг талбайг эзлэдэг. Шидэт араатны уулс хойд зүгээс урд зүг хүртэл арван мянган километр урт үргэлжилдэг. Маш олон шидэт араатнуудтай ба тэнгэр газрыг сөнөөх хүчтэй Гэгээнтэн зэрэглэлийн араатнуудтай. Шидэт араатнуудын уулсаас болж Юлан тив хэд хэдэн хэсэгт салсан.”

“Шидэт араатны уулсын баруун талаар арван хоёр улс болон гучин хоёр вант улсууд байдаг. Эдгээр улсууд болон вант улсууд хоёр хүчинд харьяалагддаг. Эхний хүч бол Ариун нэгдэл. Ариун нэгдлийн төв улс бол харин Фэнлай. Харин хоёрдох хүчин бол Харанхуйн нэгдэл. Энэ хүчний төв бол Хэйши. Энэ хоёр нэгдэл бие биенээ үргэлж дарж байдаг. Учир нь нэг нь Гэрэлт сүмээр удирдуулдаг харин нөгөөх нь Сүүдрийн сүмээр удирдуулдаг.”

“Шидэт араатны уулсын зүүн талаар дөрвөн эзэнт гүрэн зургаан улс тоо томшгүй олон вант улсууд байдаг. Дөрвөн эзэнт гүрэн үнэхээр том бөгөөд Ариун нэгдэл болон Харанхуйн нэгдлийн нөлөөнд автаагүй. Энэ дөрвөн улсад эзэн хааны эрх мэдэл хэмжээлшгүй. Эдгээр дөрвөн эзэнт гүрний алин ч Ариун нэгдэлтэй эн тэнцэхүйц хүчтэй.”

“Дөрвөн эзэнт гүрэн Төвдөө Юлан эзэнт гүрэн, урдаа Рин эзэнт гүрэн, Зүүн талдаа Рохалт эзэнт гүрэн, харин хойд зүгтээ Обрэйн эзэнт гүрэн байдаг.”

Нэг амьсгаагаар хэлсэн Линлэй маш тайван боллоо.

“Ингээд болоо юу? “ Хогг үл тоомсорлов.

Линлэй тэр даруй үргэлжлүүлэх гэтэл Хогг яриаг тасалдуулан “Чамаас асууя. Ариун нэгдэлд ямар ямар улсууд хамаарагддаг вэ?”

“Манай Ариун нэгдэлд энд зургаан улс арван тава.. долоо…” Линлэй гэнэт сандарлаа.

Хэдэн вант улсууд байгаа талаарх дурсамж бүрзгэр байлаа. Тэрээр арван тав эсвэл арван долоон вант улс хамаардаг алин гэдгийг мэдэхгүй байлаа.

“ХМММ!”

Хоггийн хүйтэн хөндий царай гаргаж модон саваа гаргаж ирэв. Линлэй хүлцэнгүйгээр гараа сунгалаа.

[Орчуулагчийн тэмдэглэл : Юлан тивийн газрын зургыг харахыг хүсвэл энд дарна уу.]

Түүний нүд “ТАС” гэсэн дуугаар нэг том болно. Хогг Линлэйн гарыг саваагаар шилбүүрдэж байлаа. Линлэйн гаранд маш тод улаан зураас тодроно. Гэхдээ Линлэй зөвхөн шүдээ тас хийн зууж дуу ч үл гаргана.

“Линлэй чи мэдэх ёстой. Бид Ариун нэгдэлд амьдарч байна. Тийм болохоор чи Гэрэлт нэгдлийн тухай бүх зүйлийг мэдэх ёстой!” Хогг хүүрүүгээ хүйтнээр хараад. “Энэ Юлан тивд хамгийн чухал хүч бол дөрвөн эзэнт гүрэн болоод хоёр нэгдэл.”

Линлэй толгой дохив.

Хэдийгээр аавынх нь үгс маш энгийн байсан ч гэсэн түүний цаад гүн санааг ойлгож байлаа.

“Хойд хэсгээрээ Ариун нэгдэл ОБрэйн эзэнт гүрэнтэй хиллэдэг. Харин урд хэсгээрээ Харанхуйн нэгдэл, Юлан эзэнт гүрэнтэй хиллэдэг. Гэрэлт сүмийн нөлөөн дор Ариун нэгдэл тийм ч доройд тооцогддоггүй.”

Аавынхаа үгийг Линлэй хүлээн зөвшөөрч байлаа.

Өчигдөр тэр маш олон ном уншсан Ариун нэгдэл Юлан тивийн соёлын төв хэмээн тооцогддог байна. Энэ үед Ариун нэгдэл мөн Юлан эзэнт гүрэнтэй эн зэрэгцэх эдийн засагтай.

Мөн тэд Гэрэлт сүмийн дэмжлэгийг авдаг.

Ариун нэгдэл үнэхээр гайхалтай байлаа.

“Өнөөдөр бид урлаг судлана” Хогг хөндий хэлснээ. “Язгууртан айлын залгамжлагчийн хувьд чи урлагын талаар тодорхой хэмжээний ойлголт болон сонирхолтой болох ёстой. Урлаг чамд язгууртан хүний эрчимыг татаж өгнө” Хогг том атга мэт боть номыг гарган даруй нээлээ.

“Юлан цаг тооллоор 3578 онд их мастер чулуун сийлбэрч Проулкс мэндэлсэн..”

Нэг талд Хогг багшилж, нөгөө талд Линлэй цээжлэх гэж хичээж байлаа. Тэрээр аавынхаа шаардлагад нийцхийг хүсч байсан юм.


Өмнөх хэсэг

Дараагийн

Хариу үлдээх

Fill in your details below or click an icon to log in:

WordPress.com Logo

Та WordPress.com гэсэн бүртгэлээрээ сэтгэгдэл бичиж байна. Гарах /  Өөрчлөх )

Google+ photo

Та Google+ гэсэн бүртгэлээрээ сэтгэгдэл бичиж байна. Гарах /  Өөрчлөх )

Twitter picture

Та Twitter гэсэн бүртгэлээрээ сэтгэгдэл бичиж байна. Гарах /  Өөрчлөх )

Facebook photo

Та Facebook гэсэн бүртгэлээрээ сэтгэгдэл бичиж байна. Гарах /  Өөрчлөх )

Connecting to %s

Энэ сайт нь спамыг багасгахын тулд Akismet ашигладаг. Өөрийн сэтгэгдлийн мэдээллийг хэрхэн ашигладаг талаар мэдэх.